Asaasaa hin irraanfannu

LOLA MASJIDA IRRATTI BANAME!!!

MASJIDATTI JUMA’AA SALAATANII GALUUF BAHANII AJJEEFMAN ASAASATTI!!!

AHBAASH YOO HIN TAANE AL-QAA’IIDAADHA!!!

qopheeysaan: Abuu Muhammad Al-Baddeeysii

Torbaan 2 dura mootummaan Ahbaasha deeggaruudhaan warra Ahbaash dura dhaabbatuun Al-Qaa’idaa jechuun isaa maaliif akka deemu namaaf hedduu waan gale natti hin fakkaatu. Ammas Arsii fi baalee keeysatti gareen Al-Qaa’iidaa akka argame prime minster mallas paarlaamaa irratti dubbatee jira.

Duuba kijiba akkasii san wanni uumaniif karaa itti nama Islaamaa ajjeesan mijjeefachuuf tahuun isaa beekkamaadha, sanis jalqaba bakka Al-Qaa’iidaan itti argamte jedhan Arsii irratti eegalanii jiran, ummata Islaamaa salaatee masjiidaa gala jiruu waraanni mootummaa naannoo masjidatti dhufee namoota 8 ol ajjeesee jira garuu nuti Shahiida tahan jennan Insahaallaah. Dubbiin achitti dhaabbata yoo seete gawwoomtee jirta namni hedduun madaawee jira, tumamee jira, hidhamee jira kuni qabsoo Al-Qaa’iidaa balleesuuf godhan tahuun isaa torbaan lama dura waan mallas zeenaawii dubbate yaadachuun gahaadha. Ammoo warri ajjeefamee fi madaawe boombii dhukkaasuuf osoo deemanii osoo hin tahiin masjida keeysatti isaanii kitaabaa fi qalamallee harkaa hin qabne tahuun isaa Ajaa’iiba, Jummaa salaatanii khuxbaa dhaggeeyfatanii galuun qofti Al-Qaa’iidaa nama jachisiisa, akkasumaa waliin warren ajjeefamanii fii madaawaan dhalaa, dhiira , xiqaa, guddaa, manguddoo of keeysaa qabaachuun isaa Muslimni Ahbaash hin tahin hundi Al-Qaa’iidaa jedhamee akka ajjeefamuuf qawwee fi waraanni isaa qophaawee nu agarsiisa.

Kanaaf dubbiin arra erga ummanni Islaamaa Masjida keeysatti ajjeefaman namaaf galu oduun prime minster mallas zeenaawii paarlaamaa irratti ibsan akka daran namaaf ifa tahu godha, akkas jechuun namni Ahbaash hin taane Al-Qaa’iidaadha, Al-Qaa’iidaan ammoo farra mootummaaf nageenyaati masjida keeysattis dhukkatan bakka jiran hundatti mootummaan isaanitti dhaqee akka isaan ajjeesu ASAASAtti agarsiisee jira.

 IJJI GAARA DUUBATTI WAA HIN AGARRE TAN MUTAAN OF KEEYSAA BAASANI!!!!

Wanni anaaf gale Muslimni hundi Al-qaa’iidaa akka tahetti moggafamu isaatiifii ajjesunis akka seera qabeessa tahe nu agarsiisaa jiran. Juma’aa masjidatti salaatuun qofti sadarkaa du’aatiif nama geeysaa jira. Ahbaash hin tahu, Rabbiin Arshii ol jira jechuun ammoo ajjeechaa waliigalaatiif sababa tahuuf deemaa jira.

Dhaamsa: ummata Islaamaa kuni qormaata waan taheef amantii teeysan sodaaf jecha gad lakkistanii kafruun isin irraa hin barbaadamu, Rabbiitti amanaa Isa qofa gabbaraa Rabbii keenya qunamuuf murachuu qabna.

Torbaan dhufu lubbuun nama hedduu akka ajjeefamtu beekuu qabdan kuni waan dhaabbatuu miti hanga isin Rabbi gabbaruu dhiftanitti. Rabbii gabbaruu sodaaf jecha namni dhjiisee kaafira tahe azaaba filatee jira, namni Rabbi gabbaraa du’uuf murate arra du’uus boru du’us jannata seena, seenaan isaa kabajamtuudha Inshaallaah.

Injifannoon kan ummata Islaamaati!!!

Warri Ajjeefame shahiida!!! Inshaallaah

Warri hafnees Rabbi Gabbaraatuma shahiida taana!!!