ODUU DIRREE DAWAA

ODUU DIRREE!!!

guyyaa arraan tanaa 5-1-2005 A.L.H magaalaa DIRE DAWA keessatti galma ogaas hassan keessatti mariin jidduu dargaggoota magaalaa dire dawaafiii jidduuu qaama mootummaatii gaggeefamtee turte. kana irratti hawaasni muslimaa murannoo isaa sodaa takka malee ibsee jira. 

gaafiwwan ummanni mootummaa gaafatan keessa 

1. ulamaa mikir beet( mana marii ulamaaoota ) kan ja'amu san eenyuutu file.

2. osoo hayyoonni islaamaa mana hidhaa keessa jiruuu filannoo hin gaggeessinu.

3. ammas kan akkanatti nu jeeqaa jiru mootummaa tahuu isaa ummanni ifaafii walabatti himee jiraaaf .

kanumaan wal qabateee ummanni sagalee isaanii ol fuudhanii galma keessatti takbiiraa dhageesisaa turan. ammas haasawa isaanii ummanni kararratti muree dhiisee deemee jira allaaahu akbar! allaahu akbar! allaahu akbar! yaa rabbi nuuf tumsi!!!!

oduu Kamisee

Guyyaa arra juma'aa 14-9-12booda Muslimoonni Kamisee sagalee isaanii dhageesiisanii jiran.
filannoon keenya masjidatti
koreen teenya hidhaa haa baatuu fi dhaadannoo biroo dhagesisanii jiran.

Fidaa sif haa tahuu yaa Rasuulallaahii

Fidaa sif haa tahuu yaa Rasuulallaahii

Urjii Ahmad

Nagayaa fi rahmata kee buusii yaa Allaah

Nabiyyi keetirratti Rasuulaa Alamaa

Fidaa sif haa tahuu yaa Rasuulallaahii

Caala ilmaan Aadam Rabbii si godheetii

Adawwiin si jibbu mee maal si godhaatii

Muslimoonni hundi si jaalanaa ati

Fidaa taana namuu kabajaa teetiifii

Warri si arrabsu yahudaaf Ahbaashii

Muslimoonni hundi si faarsinaa ati

Sirratti haa turu faaruu fii nageenyii

Sin jaaladha ammas duraanii olittii

Fidaa siif haa taatu lubbuun too ammatti

Nagayaa fi rahmata kee buusii yaa Allaah

Nabiyyi keetirratti Rasuulaa Alamaa

FAARUU

FAARUU RASUULAA S.A.W

Urjii Ahmad

saluu wasalimu alaa Rasuulinaa

Yaa Rasuula Rabbi ati bar faarfamaa

Barsiisaa nagayaa haqa agarsiisaa

kan Rabbiin filate Ilmaan namaa keessaa 

Aduunyaa guutuudhaaf tahee bar Rahmata

Shirkii dhabamsiisee Towhiida barsiisaa

Ilmaan nama hundaa wallaalarraa baasaa

Mirga xiqqaa guddaa haqaan wal qixxeesaa

Haqa Rabbiif malee kan saa yoom dubbataa

Takkaa hin Zallamnee uumaa Rabbi Isaa

Sahaabaa isaatiin hedduu jaalatamaa

Lubbuu isaa baasan jaalala saa keessaa

Abbaa fi haadhalle hunda isaa caalaa

Ergamaa Rabbiiti qulqulluu badirraaa

Kaafira hedduutu Ragaa isaaf bahaaa

Seenaa Isaa laalee hedduuu jala deemaa

garuu amma kunoo Adawwiin zabanaa

Afaan saa guutatte Rasuula arrabsaa

yaa Ummata Islaamaa badiin hundi teenyaa

Nutu jala deemee Adawwii Rasuulaa

Karaa Isaaniitis hedduutu hordoofaaa

Jara badaa kana hundi jibbuu qabaa

Isaan dhaamsuu fedhan ifaa Islaamummaa

Afaanin Arrabsuun qalmaan barreesaa

Ammoo hin dandahan Diin saa ni dagaagaa

Faca'ee wal gahaa Adunyaa tanarraa

Nuti kan laaffate kan si arrabsiisee 

yaa Ergamaa Rabbii Ati qulqulloyte

Rabbiin si faarseerraa hunda si caalchisee

Maal sirraa irrisa Adawwiin si jibbee???

yaa Ergamaa Rabbi nuti si jaalanna

Si wal arguu yaadna halkanii fi guyyaa

Yaa Rabbi itti buusi faaruu fii nagayaa

Nibiyyii keenyarrati hanga qiyaamaadhaa

Jaalallee Islaamaa yaa Rasuula Allah.

ODUU OWWAA

Oduu Owwaa !!!

FINFINNEE

sheekni guddaan Masjida shoogolee salaachisan Imaamni Umriidhaan maanguddoo Sheek Abdusalaam Guyyaa arraa Polisaan mana isaatii fudhamee gara mana hidhaa geeffamee jira. Sheek Abdusalaam akka hidhamu xalayaan ajaju Iida dura irratti bahuun isaa ni yaadatama, warreen xalayaan hidhaa itti baherraa, Sheek Hamid Muusaa, ustaz Muhammad Faraj, Ustaz Abdulmannaan Galaanii fi sheek haajii tahuun isaatis dhagayamee jira. Sheek Haajiis Polisaan hidhamee jira. 

GOODINA HARARGE LIXAA

Magaalaa fii aanaa adda addaa keeysatti hidhaa fii sodaachisaan itti fufee jira. sheekootii hidhuuf ummataan dirqamaan hiriira irratti bahaa jechaa jiran. Hawaasaa keeysa nama sheekootiif dubbatu qorannoo sa'aa dheertuu godhuudhaan sodaachisaa jiran. 

Oduu facebook irratti baafatan jechuudhaan dargaggoota akka malee sodaachisaa jiraachuun isaanii dhagayamee jira. 

TOKKUMMAA

TOKKUMMAA

Urjii Ahmad

Ummanni Islaamaa harka walqabadhaa

Tokko tahaa ka’aa amantiif falmadhaa

Sabummaan wal qooduun gahee nurraa dhiisaa

Yeroo sa dabartee amma amantiidhaa

Adawwiin balleesuuf nurratti wal yaamaa

Nuti yoo maal eynaa yaa ummata islaamaa?

Ahbaasha nuuf fidan maqaa jijjiraadhaa

Ahlus-sunnaa sufii kanaan bekkameerraa

Dirqamaan leenjisa wallaalaa fi beekaa

Seera fi nageenya maqaan walgahiidhaa

Kan isaan barsiisan Aqiidaa Ahbaashaa

Roorroo hedduu tanaan dimookraasii je’aa

Yaa Rabbii iyyadhe ani sitti gooytaa.

Bakaafiroochu lay nasr amxaalinaa

Fansurnaa mowlaanaa alal kaafiriinaa

Akka sii gabbarruuf towiida qarrarraa

Ahbaash human fidduu isiin waa xiqqoodhaa

Kan nutti jeynoomsu qaama mootummaadhaaa

Qawwee fanifatee isaan mooggaa cayaa

Arrabsaa jechuudhaan isaan nu bobbaasaa

Lobnaanirraa dhufee mirga keenya dhiibaa

Nuti abbaan biyyaa mirga keenya dhabaa

Hanga shakkinutti abbaa biyyummaadhaa

Yaa ummata Islaamaa dubbi too hubadhaa

Ahbaash Adawwiidhaa namu firraa baraa

Yaa Rabbii iyyadhe ani sitti gooytaa.

Bakaafiroochu lay nasr amxaalinaa

Fansurnaa mowlaanaa alal kaafiriinaa

Akka sii gabbarruuf towiida qarrarraa

Tokkommaan bar humnaa akkuma bekkamuu

Tokko taane qabsoof amumma haa kaanuu

Gargar  faffacaanu humaa hin asarruu

Adawwiin teenyalleen tuffii isaan dhiisu

Hanga tokko taanee harka wal qabannuu

Diiniif wareegamuuf gootummaa garsiisnuu

Kadhaa fi sosobaan mirgi waan argamuu

Qabsootti murannoodhaa kan galmaan nu gahuu

Yoo akkas tahuu baate kaafirri waa laafuu

Karoora isarraa xiqolleen dhaabatuu

Hanga dhabamsiisuu Islaamummaa guutuu

Namuu waliif dhaamaa bakkuma argamnuu

Tokkummaa tokkummaa falli nuti qabnuu

Tokkumma qofa kan galmaan nu gahuu

Ahbaash axfalinii  nad’uuka yaa mowlaa

Takkallen hanbisin adawwii Islaamaa

Cillee bishaan buutu arglin yaa geetaa

Dhukkee bubbeen foote argaachaw hadaraa

Anta chay nahennaa nuti suma qabnaa

Ba Arsh lay honak Rakkoo teenya gartaa

Qabsoon itti haa fufu hamma firii garruu

Gaafii teenya sadeen deebisaa argannuu

Majlisa filachuuf mirgi nuuf kennamuu

Ahbaash nu fi’uun hanga ugguramuu

Koreen teenya qaaliin hidhaa gad-dhiifamuu

Kana tahuu baanaan Tigluun hin dhaabnuu

Mootummaaf kan dhaamnu akka nuuf awaatuu

Deebii ummata Islaamaa akka deefee kennuu

Ahbaash deegarurraa akka if qusatuu

Mirgi amantiidhaa namuuf kabajamuu

Hidhaaf sodaachisuun nurraa haa dhaabbatuu

Yoo san tahuu baate rakkoof haa qophaawu.

Walaloo tana keessatti Rakkoo teenyaa fi waan Ahbaashaa fi mootummaan nurraan gahaa jiran dubbadhee jira, furmaatas qaamaa mootummaaf dabarsee jira. 

yoo faayida hin qabdi jettan facaasaa, namni sagaleen tochuu danda'us tolchee haa jedhu akka ummanni keenna irraa faayideefatan.

WALII GALTEEN MAAF BARBAACHISE

بسم الله الرحمن الرحيم

WOLALOO : wolii galteen maaliif barbaachise???

By Abdii Borii

yeroon amma keessa jirru kun bay’isee wolii galtee cimaa barbaachisa wantaheef, mee waahe bu’aa wolii galtee irratti wolaloo tana cimsaa dubbisaatii ergaa isii naaf hubadhaa yaa obboleewwan islaamaa.

Bismilahi jennee akka Aadaa teennaa

Maqaa Rabbi dhoofnee dubbii itti sienna

Faaruu Rabbii kiyyaa egas itti aansee

kan ni'imaa hundumaa nurra dhangalaase

Caalaa anmantiidhaa kan nuu kenne diinaa

Faqaala ta’aalaa woradiitu lakumul-islaama diinaa

فقال تعالى" ورضيت لكم الإسلام دينا")ا)

Salaataaf salaama nabirratti buusee

Xaahaa kabajamaa kan diinii nuuf ibse

Aailiif sahaabaallee worra tumsan diinaa

akkuma san immoo kulla attabi'iina(كل التابعينا)

Yaa obboleewan koo hunduu naaf dhagahaa

Bu'aa woliigaltee gurran isin gaha

Wolii galtee malee sila maaltu tahaa?

Wonta guddaa tahuu isaa naa hubadhaa

Seenaa islaamummaa keessatti qoradha

Taariika sahaabaa fa'a mee gaafadhaa

Jalqabni islaamaa akkamii yaadadhaa

quwwaa muslimoota yoo sanii qaabadhaa

jarri wolii gallaan addunyaa dhunfate

ifaa Qur'aanaatiin dukkana mooyate

kaafirran gugurdaa ufjalatti deeffate

FAARISII fi RUUMIIN hundaa hinjifate

Beektuu woliigallaan akka san hojjate

Ardhammoo Awropha f i Amriikaa hin garree?

Dharatti wolii gallaann islaaman dararree?

Biyya jara didde tumti akka harree

Kan fedhan cacabsaa kan filuun agarree?

Zaalimaa tumsaatiin mazluuman qabbarree

Dubbiin faallaa tahuu nuhundinuu garree

Bu'aa wolii galtee kanarraan agarree?

Koottaa yaa dargaggoo afaan tokko taanaa

Seenaa keenna gariif quwwaa deebifannaa

Diinii islaamuummaa mataasaa olkaafna

Kufrii jalaa baanee diiniin murteeffannaa

Sila haga yoomii kaafira sujuudnaa?

Jiraannu gammachuun asirra jiraanna

Yoo duune shahiidee taaneetiin asirraa godaanna

CARRAA akka kanaa nuu keenni mowlaanaa

Xiqqeennaan jiraachuu nuu didi Rabbanaa.

Namni wolii gallaan waan baayyee dalaga

Haalli yeroo ammaas kanarratti raga

Sowraa(fincila) Arabaalee nuhundatu arga

Mee SOWRAA kanarraa fakkeenya fudhanna

Tajribaaf xinxallaa, beekkums argannaa

Mee narraa caqasaa wolumaan hubannaa

Ummata TUUNUSIA hundinuun arginee?

Zeynal-aabidiinan biyaa hin ariinee?

SU'UD ARABIYAA galchanii hin teessifnee?

jallaataa falfalaa Rabbi hin salphifnee?

kan ummata miidhee islaamas darare

islaama awwaalee kufrii kan ijaaree

mooticha jallataa kan Rabbi abaare

salaata kan dhoorge bixaaqaadhaan malee

masjiida hinseetu isii fiddu malee

akkana dalagnan salphinadhaan gale

(Bixaaqaa = woraqaa heyyamaa/ID carde)

mee fakkii biraallee isinii dabala

tolchaa naa hubadhaa gadi qabaa laalaa

Ummata MISRAAllee hunduu hin hordofnee?

HUSNII MUBAARAKII waan godhan hin arginee?

Sirerra ciifsanii murtiin kaleessinee?

Gocha bar 30 isa hin himsiifnee?

Gaabbiif nadaamaadhaan onnee isaan kunnee

Aja'ibaa Rabbi waa heddu argine

Ammoo kan QAZZAAFII haacaalukaa dubbiin

Abbaa "ZANGA ZANGAA" kuffistekaa anbi

Yaa raajii akkanaa ajab dubbii Rabbii

Woggaa 40 ummata cunqursee

Soshaalizimiidhaan hawaasa rakkisee

Mootii-mootowwanii jedhee uf moggaasee

Anatu jaba jedhee ifatti olbaasee

Ummata LIIBIYAA akka ilmoo lukkuu uf jalatti dachaasee

Booddee isaa kunoo Rabbi is salphise

ummaanni Liibiyaa qaabeetiin ajjeesse

Dachee dunya irraa isa dhabamsiise

Ilmaan isaatillee gar gara faffacaase

kaan biyyaa baqatee gariin hidhaa ciise

kan angoo dhaalchisuuf Qzzaafiin qopheesee.

Akkanakaa haalli jiruu dunyaa tanaaa

Ammatuu ulfinaa ammatuu salphinaa

Mootummaa gugurdaa hidhatti argina

gariin akka maleen du’eera dhageenna

Kun dubbii Rabbiitii ajabnee maal goona?

Yaa barumsa gaarii nama waa baratuu

Woy gorsa bareedaa nama waa hubatuu

Kan itti cufamtetti homaa hin fakkaatu

Hanga bira geettee mataa irran baatu

Guyyaan oleen bulu ammaa deemee dhufaa

Balbala hundaatii eessaa irraa hafa

Teenneetumaan eegna inninuu waa hafaa?

Kunoo amma dhufee mataan gad jalqabee

Diina muslimootaa sammuu isaa qabe

Kan hafes itti eda’aa Rabbiin yoom dadhabe

Ya obboleewwan koo koottaa wolii gallaa

"Namni wolii gale yoomuu alaa gala"

Rakkoo argamefis ni'argata fala

Yaa ilmaan islaamaa koottaa haadammaqnuu

Afaan tokko taanee gamtaan haa sochoonuu

Mirga diinii keennaaf kottaa haa mormannuu

Addaan wal-qoqqooduun badaadhaa haa dhiifnu

Qorsoo bishaan keessaa lakkisaa hin taanuu

Yoo addaan facaane homaa garuun geennuu

Bu'aa biyyaa dhiisaa ufiifuu waan goonuu

Amaanaa amaanaa nam tokko haa taanuu

Haasawa kiyyallee kanumaan xumura

Dogongora kiyyas irruma naa taraa

Baayyee galateessa kan dubbise maraa

Kan kana barreese ABDII tahuu baraa

Assalaamu alykum nagahaan naaf turaa

Oduu Madda Islaamaa

ODUU OWWAA!!!!

Goodina Harargee Lixaatti Ulamaa'ii teenya tan Aanaa Qunnee (Gammachiis) keeysatti hidhamanii dararamaa jiran.

1. shek huseen bayaan 

2. shek ibraahiim ahmed

3. shek muummee muhammad   

4. shek mahdii muhammadnuur

5. shek ahmad gurraachaa    

6. shek taajuu ahmad   

7. shek muhammad umar   

8. shek mullee zakariyyaa

Namoota biroo 10 kan sheekkan hintahin qotee bularraa akka yeroo hin murtaayiniif ukkaamamanii polisa Aamaa gammachiisitti gidiramaa jiran. ulamaaiilee tana dirqamaan areeda haaddadhaa jedhanii haalaan dararaa jiran. kanneen Diin islaamaa nidhabamsifna jedhanii nama dararaa jiran qaama Mootummaarraa.

1. polis guutaa   

2. polis Taganuu   

3. Abdallaa Aliyyii    

4. Muhammad Jamaal    

5. kaamil   

6. Abdii Muhammad    

7. Aliyyii Usmaan /bulchaa/ jarreen kana. 

Badii takka malee amantii isaa ahbaashitti jirjiiru diduu qofaaf muslimni mirgi isaa dhiitamaa jira. Mallas Mootummaa akkanatti mirga namaa kabaju dhaabee. karoora baasee biraa deeme jechuudha. ajiib

ODUU OROMIYAA

ODUU SODAACHISAA!!!!

MADDA ISLAAMAARRAA

Naannoo oromiyaa bakka adda addaatti hidhaa fi sodaachisaa sheekootii fii ulamaa irratti godhamaa jiru itti fufee jira. Warri hidhaman hundi kan mirga isaanii falmatanii fii Ahbaasha fudhachuu didan akka tahanis beekkamee jira. 

Magaalaa Duukamitti badii tokkoon malee Sheek Muusaa hidhuun isaanii ni yaadatama, haaluma kanaan guyyaa kaleessaa namoota kudhan badii takkaan malee hidhuun isaanii beekkamee jira. Badii fi maaliin akka yakkaman wanni beekkamu hin jiru. 

Goodina Hararge Lixaa Magaalaa Ciroo keeysattis hidhaa fii sodaachisaan kaabineen sheekootii irratti raawwatamaa jiru itti fufee jira. Barsiisaa Haramaayaa Yunivarsiitii kan tahe Obboo Musxafaan basii tokko malee guyyaa arraa hidhamee jira. Obbo Musxafaan daaii beekkamaa turan, Masjidatti Darsii fi da'waa adda addaaa waan godhaniif manni isaanii sakkataa'amee, meeshaan isaa saamamee gara mana hidhaa geyfamee jira.

Baddeesaatti Obboo Mammayyeen Sheekootii fi Namoota Ahbaasha fudhachu didan akka hidhaman Kaabineef ajaja dabarsuun isaa keeysa beektootarraa dhagayamee jira. Sheekootii keeysaa nama tokko maqaa isaa dhahuudhaan mankaraaristiidha jedhaa ummata hiriira baasaa Miseensi hundi Sheekootii Ahbaash dura dhaabbatan mankaararistii jechuun akka hirira bahuu qaban waajira dhaabaatiif ajaja dabarsanii jiran

ODUU DIRREER!!!

ODUU AJAA'IBAA

Diree Dawaatti Jum'aa hunda khuxbaa qopheysan imaamoonni guyya kamisaa akka mootummaa bira geysanii agarsiisan ajajnii dabree jira jechuun dhagayamee jira. Imaamni khuxbaa osoo hin agarsiisne godhu hundi akka adabamus himamee jira. Haaluma wal fakkaatuun Imaamni Jallina Ahbaashaa ummataaf Ibsu tokko ji'a lamaaf hidhamee hidhaarraa Mallateysuudhaan bahee jira. Mallattoon Inni Mallateysa akka Masjida duraan itti imaama sanitti umrii isaa guutuu hin salaannee tahuun isaa beekkamee jira. Mee Dimookraasii tana dhagayaa waan taate.

SEENAA MALLAS KAN DHUGAA 1955-2012

SEENAA “MALLASII” KAN DHUGAA

(1955 - 2012)

Abdii Borii

Kana dura seenaa mootummoota Etyoophiyaa bulchaa turani kan akka : TEWDROS,YUHANNIS,MINILI FI HAYLASILLAASEE duubataa turuun keenna niyaadatama,Mallasiin immoo hanga angoo isaa xumuratuuf eegaa turre,amma yeroon waahee isaa dubbannu gahee jira waan taheef kunooti.

Mallas maqaan isaa kan dhalootaa “Laggase Zeenaawii” ture , qabsaayaan cimaan ummata Tigree Mallas jedhamu duunaan maqaa kana fudhate.

Mallas bara 1955 ALA Adawaa(Tigraay) keeaassatti dhalate.

bara 1974 tti Barnoota fayyaa(medicin) osoo barataa jiru jidduun kutee worraaqsa ummata Tigree kan mormitoota mootummaa Dargiititti dabalame

bara 1975tti adda bilisummaa Tigraay hundeessuu keessatti qooda fudhatee ture.

Bara 1991tti Mnagistuu Hayla maaram gara Zimbaabuyee baqannaan Mallas gara angoo dhufee presdaantii biyyattii tahe.

MALLAS erga worroota sirna Dargii cabsuuf woliin lolaa turan ganee, kaan ajjeesee,kaan hidhee,kaan biyyaa ari’atee angoo irratti olbahe. Aangoo isaa cimsatee haala mijjeeffatee boonaa fi ofjajuu jalqabe,tiyya haataatuu fi anatu jabaa dha jechuun mallattoo isaa taahe,akkuma aadaa mootummoota abbaa irree innis fayyadamaa ture.jechoonni inni paarlaama keessa taa’ee dubbatu kana irratti ragadha. 

yeroo gaafiin adda addaa isa gaafatame deebiin inni kennu kan tuffii fi xiqqeessati, fkf;

-shukkaarri maaf gatiin isaa dabale jedhamee yoo gaafatamu “qotee bulatu shaayii dhuguu jalqabe”

-Etyoophiyaa keessatti kadhataan maaf baay’ata ?jedhanii gaafannan “sacii sila bazza new /namni kennu waan baay’ateefi”.

-paartii mormitootaa yoo yaamu “ye abbadee hushaa(saree maraatte) jedha.

-yeroo woraana biyya suumaaletti erge gara biyyaatii haa deebi’u jedhee murteesse ,ummata wolfixaa jiru kana akkamitti wolitti dhiifnee woraana keenna keessaa baafna jedhee paarlaamaa keessaatti gaafatamnaan “ye fallagee jib yibila /abbaa barbaade bineensi haa nyaatu” jedhee deebii kenne. Jechoonni kana fakkatan baayyetu jira.

Kana qofa osoo hin taane sammuu namaatitti taphaataa ture,ummata gowwoomsaa ture,mee akkamitti yoo jettan ??? wolumaan haalaalluu.

• Beelaa fi hiyyummaa = misoomaa fi guddina jedha

• Wolaalaa fi doofummaan =beekkumsa fi qaroomina babaldhisuu jedha 

• Diktaatoorummaa(abbaa irrummaa) =dimokraasii dhugaa

• Mirga dhala nama dhiibuu = bilisummaa jedha

• Dhimma Biyyoota ollaa keessa seenuun rakkoo irraan gahuu = tola itti oolinsaa fi rakkoo keessaa isaan baasinsa jedha , fkf biyya Sumaalee.

Mallas akkanatti wonta hundaa faallaa jijjiiree dubbataa ture,worroonni isa jala deemanis woma inni jedhu san woliin jedhaa jalaa qeebalaa harka tumaafii turan

Kun immoo kan duraa caalaa akka boonee uf wollaalu isa taasise, boonni isaa kun tuffii muslimootaa biraan isa gahe,mirga amantii kan seerri biyyatti akka kabajamu murteesse diiguudhaan muslimoota aqiidaa isaanii qulqulluu irraa gara aqiidaa AHBAASH tan dharaatitti isaan deebisuuf yaalii godhuu jalqabe,muslimmummaa irraa gara amntii biraatitti isaan jijiiruuf haala mijjeessuuf kaayyoo kana jalqaba taasifate.

Haata’uu malee dubbiin faallaa isatti garagalee muldhatee jira,waan inni hin niyyatin/hin yaadintu isa mudate,moormii jagnoonni muslimtootaa argisiisaniin rifachhiifamee jira, ijjannoon cimaa ulamaa’ota islaamaa irraa murtaaheen hamileen isaa dhahamee kaayyoon isaa fashilaayee jira.

Guyyaa 17/4/2012 tti lola muslimoota irratti labse,ulamaa’ooni islaamaa du’aa’i qunuuta(salaata keessaa) akka isarratti kadhatan murteessan,yaa Rabbi qabaatee jabduun nuuf qabi,nuti humna hin qabnuu simalee jedhanii Rabbiin itti kadhatan.

Guyyaa lama qofa oolee 19/4/2012 dhibee baayyee badaa taheen qabamee mana yaalaa biyya alaa magaalaa Buriksil geeffame, garuu fayyuu hin dandeenyee, achumatti booddeen isaa taate,kaayyoo isaa usuu galmaan hin gayin gaddaa fi gubataan du’e.umrii(57) tti du’e.

GOCHA GUDDAA KAN HIN DAGATAMNE:

Seenaa Mallasii keessatti wonti guddaan yeroo kamuu dagatuun hin danda’amne ummata muslimaatii Amantii haarawa biyya alaa irraa fiduu isaati, biyya Lubnaan (Lubaanos) irraa amantii AHBAASHAA kan yahuudaan islaama ittiin cabsuuf oomishte fidee jira. Gocha akkanaa kana mootummoonni Etyoophiyaa kanneen isaan duraa tokkollee dalaganii kan hin jirre argamsiisie,MINILIKI fi HAYLASILLAASEENIS amantii islaamaa balleessuuf yaalii godhaa turan malee biyya alaa irraa amantii biraa fidanii hin beekan.

MALLAS amantii akka meeshaa daldalaa biyya alaatii galche kana ummanni muslimaa fudhatuu dinnaan dirqiin (humnaan) isaan fudhachiisuuf biyyoota Awrophaa fi Amriika keessa naannayee qarqaarsa wolitti qabuuf osoo olii gad deemu qabaan rabbi itti dhufte,kun aadama Rabbii keennaati,zaalimtoot diinii isaa balleessuu barbaadan durumaa rabbiin akkanuma isaan godha, kun waan haarawaa miti.

Haata’u malee Gochoonni MALLAS dalagee fi qabaan Rabbiin isa qabe kun SEENAA kanaan dura dabre nuyaadachiisa:

• YUHANNIS kan dhaloonni isaanii bakka tokko ture(Tigraay) kana dura akkana dalage, bakka BOOR- MEEDA jedhamutti bara 1875 ALA titti muslimootaf woggaa 3 qofa beellame,namni woggaa an beellame kanaan booda amantii islaamaa irra jiraate jazaan isaa ajjeefamuu ykn biyya gad dhiisee deemuu malee hin jiru jedhee murteesse,erga yeroon sun dhumee nama kuma 50 fixee kuuwwan biyyaa baqatan. Garuu rabbiin jazaa isaa usumaa hin turin isaaf deebise,harka woraana muslimaa “MAHDISTOOT” jedhamanitti daangaa Etyophiyaa fi Suudaaniitit ajjeefame, mataan isaa irraa muramee gara magaalaa UMDURMAAN geeffame,haga amma galmee meeshaa aadaa fi seenaa biyya suudaan keessatti argama.

• HAYLASIILAASEE:Innis yeroon angoo isaa san keessatti wolgahii kongirasii Ameerikaa irratti akkana jedhee dubbate:

“muslimoonni Etyoophiyaa keessa ummata gabaabduu dha,worroota gabaabduu amantii abbaa isaanii gad dhiisan kana yeroo gabaabduu keessatti gara amantii abbaa isaanitti (kiristaanummaa)isaan deebisna” .

garuu rabbiin usuu kaayyoo san inni galmaan hin gayatin isa dhabamsiise bara 1974 halaakame.

muslimoota immoo Rabbiin rahmata isaatiin isaan hanbisee haga ammaa nahan amantii isaanii irra jiran.

Ajja’iba !!!! mootummoonnummaan Habashaa yoomuma gorsa fudhatan? Yoomuma worra dabdre irratti laalanii jiilan?yoomuma gowwumma kana irraa bayfata?yoomuma jallinna isaanii kana dhiisan?

DU’A MALLASIITIIF GADDUU:

Waa hunda caalaa kan nama ajabsiisu worroota amantii islaamaa usuu himatan,nama amantii isaanii balleessuuf karoorfate kan Rabbi isa hanqise kana du’a isaatiif kan gaddaniidha.

Rabbiin nama diina islamaa tahe hundaayyu akka hin gaddinef nu dhoorgee jira,usuu abbaa fi obboleessa keennallee taatee.kanarratti raga heddutu jra:

1.nabi IBRAAHIIMIIN(A S ) abbaa isaa irraa Rabbiin isa dhoorgee jira.

2.Rasuulli keennas (S A W) qabrii haadha isaanii Amiinaa dhaqanii akka Rabbiin kadhataniif heyyama gaafannan heyyama dhabanii booyaa achii deemana. 

3.sahaabtichi ABII UBEYDAA(r a)jedhamu kan Rasuulli (s a w) Amiinu haazihil-ummaah(amanama ummata kana) jedhanii isa moggaasan gaafa lola BADRII abbaa isaa JARRAH kan jedhamu ajjeese,abban isaa nama diin Rabbiitiin lolu waan taheef,akkamitti abbaa kee ajjeefata? jedhanii namoonni gariin isa komatuu barbaannaan, Rabbiin Qur’aana buusee akka inni badii tokko hin dalagin raga isaaf bahe (لا تجد قوما يؤمنون بالله واليوم الأخر يحبون من حاد الله ورسوله ولو كانوا آباءهم) “Ummat Rabbiitii amanan kan jaalatan hin argitu nama Rabbii fi Rasuula isaa morme usuu abbaa isaaniillee taate,yk ilmaan isaaniille taatee,yk obboleessa isaaniillee taatee,yk gosa isaaniillee tate …….” Abii Ubeydaan akkanatti abbaa isaa inni diina Rabbii taheef yoo ajjeesu nuti du’a nama diina islaamaa taheef yoo gaddinu mee dubbiin maalfakkata???amantiin teenna akkam ta’itti?

Kanaafuu namni amantii islaamaa qabdan du’a nama dallansuu Rabbii irratti du’eetiif gadduu irraa akka uf qusattan isiniif dhaama, akka amantiin teessan isin jalaa hin miidhamne,akka guyyaa qiyaamaa isaan woliin Rabbiin isin hin kaafne “namni tokko namuma jaalatu woliin kaafama jedhan Rasuulli (s a w).

YAA RABBIIN NAMA HAQAA FI WOLQIXXUMMAAN UMMATA KEENNA BULCHU BAKKA NUUF BUUSI !!!!!!!!.Amiiiiiiiiiiiiiiiiiiin.

ODUU DIRREEE

ODUU AJAA'IBAA

Diree Dawaatti Jum'aa hunda khuxbaa qopheysan imaamoonni guyya kamisaa akka mootummaa bira geysanii agarsiisan ajajnii dabree jira jechuun dhagayamee jira. Imaamni khuxbaa osoo hin agarsiisne godhu hundi akka adabamus himamee jira. Haaluma wal fakkaatuun Imaamni Jallina Ahbaashaa ummataaf Ibsu tokko ji'a lamaaf hidhamee hidhaarraa Mallateysuudhaan bahee jira. Mallattoon Inni Mallateysa akka Masjida duraan itti imaama sanitti umrii isaa guutuu hin salaannee tahuun isaa beekkamee jira. Mee Dimookraasii tana dhagayaa waan taate.

AHBAASHI ENYU?

AHBAASHI EENYU????

Urjii Ahmad

Ahbaashii beekuu yoo feete

Lubnaanirraa nu gad seentee

Abdallahi harariituu isii hundeessee

bara 30 dura isii gad dhaabee

Beeruti keessatti yooniif dubbistee

Yahuudaatu isa gargaaree

Mallis kan isii nu yaamee

Yahudacha tokkootii isii qoratee

Wahbiyyaan balleesa jedhee murate

Mootumaan dubbii isaa fudhatee

Ahbaash dirqamaan nurratti fi'ee

Kadhanee kadhanee dadhabnee

Ifirraa Rabbitti iyyannee

Yaa Rabbii nu tumsi si kadhannee

Nuti humna qabnu atin dadhabnee

Wahbiyyaa balleesuuf nu jedhan

garuu Islaama balleesuu fedhan

Maqaa guyyaa keessaa nuuf baasan

Akka waan Bineensaatti nu himan

Mallattoo wahbii hoggaa nuuf himan

Najaashiin Muslimaadha Amanan

Ortodoksiin Mirga wal qixa fedhan

Kolleejii Islaamaa banuudha yaadan

Dhaalaa hijaaba itti uffisan

Dhiirtis Areeda haalaan guddisan

Taaboota baasanii hin galchan

Haraama jedhanii nama dhowwaan

Masjida bakka hundatti jaaran

Madrasaan akka hodummaatu fedhan

kana kana hammeenyaaf himatan

Mee yaa dhiiroo kanaan maal jettan.

Yaa Rabbii nu tumsi si kadhannee

Nuti humna qabnu atin dadhabnee

Duuba Islaamni Isaan barbaadan

Taaboota yoo galchee baase fedhan

Najjaashiin Muslimaa yoo didan

Masjida jaaruu gaafa dhaaban

Madrasaan heddummaachuu yoo jibbaan

Qofa warra nagayaa jedhaman

Akkas gochuu yoo baatan

Mankaraaristaa maqaa siif baasan

Hojii kana galamaan akka gahan

Abbaa itti barbaadanii dhaban

Ahbaash tokkicha itti argatan

Kan Adawwwiif Islaama qabatan

Firummaaf yahuudaadha jaalatan

Muslima hunda dhugumaan jibban

Yaadaa isaanii tasa faalleesinaan

Kaafira jechuun maqaa si baasan

Wahbiyyaa wannii sin moggaasan

Mootummaan Isaan argannaan

Gammadee nutti gad fidnaan

kunoo Arra Isaan hojii jalqaban

Biyya guutuun kaafira nuun jedhan

Ulama'aa tokko yoom keessaa hanbisan

Hunda wali qabanii Kafarsiisan

Yaa Rabbii nu tumsi si kadhannee

Nuti humna qabnu atin dadhabnee

Ahbaasha hoggaa gad fidan

Akka namni hin beekne fedhan

Dafanii maqaa irraa jijjiran

Ahlu-sunnaa suufii itti moggaasan

Mallas biratti Islaamaa duraanii jedhaman

Kan faallaa sani hunda Wahbiyyaa jechuudhaan

Arrabsanii raadiyoo fi Tviidhaan

Paarlaama keessattille nu Dubbatan

Mummichi mummee kan arra du'an

Gaafa san Muslima Rifachiisan

Akka Malee garaa balleesan

Yaa Rabbii nu tumsi si kadhannee

Nuti humna qabnu atin dadhabnee

Ahbaash arra Mootummaa taate

Majlisa keenyas nurraa fudhattee

Filachuudhaaf mirga dhorgamnee

Koree Filannees hidhaan isaan dhabnee

Ashabbarii jechuun isaan kan yakkee

Dimookraasii jedhee nuuf yoo himee

Akkam jennee isa haa amannu meee?

Yaa Rabbii nu tumsi si kadhannee

Nuti humna qabnu atin dadhabnee

Filannoo Majlisaa tan tvn lallaban

Koree teenya eega hidhaatti galchan

Gaafii isaan gaafannee deebisuu diidan

Kanaa waliin filannoof nu yaaman

Filannoo keessan dinne yoo jennen

Nu dhaadatan warreen biyya bulchan

Wahbiyyaa ABO nuun jedhan

Biyyaa Isin baafna Filachuu diddan

Waa meeqa wanni Isaan nu godhan

Ahbaashuma nu godhuuf muratan

Seera tuman gubbaan Tarkaanfatan

Yaa Rabbii nu tumsi si kadhannee

Nuti humna qabnu atin dadhabnee

Ahbaasha Balleesi sitti Irkanneeeee

Dhabama godhii Majlisa fi Kaadrellee

Dhawii Kaabinee Abbaa garaallee

Waan dina keenyaa taane Takkallee

Cillee bishaan buute Yaa dandaha wahallee

Yaa Rabbii nu tumsi si kadhannee

Nuti humna qabnu atin dadhabnee

Yaa Rabbii nu tumsi si kadhannee

Nuti humna qabnu atin dadhabnee