Tan Rabbii dhufnaan tan Firummaa ni hafti!!!

Tan Rabbii dhufnaan tan Firummaa ni hafti!!!

Tan Rabbii dhufnaan firummaan, biyyummaan, gosummaan, aadaan, ni hafti. Islaamummaan Amantii guutuudha, Mala jireenya Ilmaan akka tahuuf Rabbiin huuf filee jira. Islaama wanni faalleesee dhufu hundi Islaama erga tahan bakka hin qabu.

Amantiin tun nama Isiitti amane hunda obboleyyan gooti hanga fedhe addaan fagaatus. Aanaa fi maatii ifii jaalachu fi kununsuunis daran akka itti cimu qabu itti ajajji. Inumaa jannanni Miila haadhaa jalaan akka seenamus dubbattee jirti.

Walii galatti amantiin Islaamaa guutuudha wanni isiin tartiiba hin godhinis hin jiru akkaata mana ficaanni itti fayyadaman irraa eegalee hanga siyaasaa biyya ittin gaggeesani wanni jiru takka kan hafe hin jiru.

Islaama erga tahan Islaama hunda jaalachuun dirqama, saba kee tahuu kan biraa tahuu. Ammoo saba keetiifii aanaa kee jaalattee faallaa Islaamaa dhaabbachuun dhorgaadha. Wajjiin nyaanne jechuun Adawwii Islaamaa jaalachuu fi faarsuun islaama keeysatti bakka hin qabdu.

Islaamni Mirga namaa hin tuqu, amantii keeysatti dirqamninis hin jiru. Duuba erga amantii keeysatti dirqamni hin jirre Islaamni maaliif jihaada godhe jechuun keeysan hafa hin qabu? Deebisaan salphaadha Islaamni durii fi fulduras dirqamaan nama Islaama godhuuf Jihaada hin godhu garuu Islaamatti hoggu nama yaaman guufuu warren tahan, kan mirga Islaama tahuu nama dhorgan, gabronfatoota Rabbi if godhe ilmi namaa akka Rabbi hin gabbarre taakkoo tahan kararraa kaasuuf Jihaadni godhame. Akka jechii Rabbi ol aantu godhuuf Jihaada godhaa turan, Akka namni nagayaan dhagaye amanuu  amanu warra hin feene, Islaamatti nama hin yaaminaa, nama hin barsiisnaa warra jedhamu kun guufuu jannataa akka Ilma namatti hin taaneef. Ammaaf ajandaa kana asumatti dhaabe gara mata dureetti haa deebi’uu.

Duuba Islaamni Itiyoopiyaatis wanni dhabe mirga nagayaan nama yaamu, mirga waan fedhen filatanii amanuu, mirga gaggeesaa amantii filachuu kanuma wanni dirree adiidha. Yeroo tana namni aanaa keeti kan ati jaalattu yoo faalla Islaamaa dhaabbate dandeessu itti himta akka karaa Rabbii keeysatti guufuu hin taane. Garuu yoo itti fufe Aanummaan hunda caaltu tan Rabbii waan taatef Adawwii Islaamaa kana dura dhaabbachuun kee dirqama taha.

Abuu Ubeydaa Amir Ibnul Jarraah Sahaabaa Rasuulaa jannatan Adunyaarratti gammachiifaman keeysaa tokko. Gaafa lola Badri Abbaan Isaa Islaama balleesuuf warren guufuu Islaamaa tahan waliin seyfii qabatee dhufe, Abuu Ubeydaan ammoo guufuu amantii Islaamaa warren tahaniin loluuf dhufe. Abbaan Isaa lola keeysatti isa qunname irraa bakka jijjirate, ammas xiqqo jedhe itti dhufe abbaan isaa seyfiidhaan Isa ajjeesuuf, hogguu kan Abuu Ubeydaan tan Rabbii dhufnaan Abbummaan hin jirtu jedhe Abbaa Isaa kan guufuu amantii Islaamaa tahe san karaarraa meysee jira. Allaahu Akbar!!!

Rabbiin warra guufuu Islaamaa tahan Abbaas tahu dura dhaabbachuutti nu ajajee jira. Yeroo Ammaa warren aangoof, qabeenyaaf, sodaaf, fi haajaa adunyaa tan birootis amantii Islaamaa warra balleesuu deemuu waliin tarree galanii deemaa jiran kun Islaama waliin haada qabatan kutanii jiran, akkuma waraana Rabbi turan amma waraana sheyxaanaa tahanii jiran, akkuma warra Rabbi jala deemu tahan amma warra fedhii jala deemu tahanii jiran, Muslima akkuma tahan amma erga amananii kafaranii jiran gariin isaani, gariin munaafiqa tahanii jiran, gariin cubbuu gurguddoo dalagaaa jiran, gariin wallaaallaan tahus maasiyaa Rabbiin irraa dhorge mataan itti if darbanii daakaa jiran.

Rabbiin warra guufuu Islaamaa tahaniif aanaa jenne akka isaan hin jaalanne, akka isaaniin adda muramuu qabnu, akka isaan saaxiluu qabnu itti ajajee jira.

Warra amaneerraa hoggaa dubbatuu akkana jedha Rabbiin akka Isaan malutti ol tahe.

 والمؤمنون والمؤمنات بعضهم أولياء بعض يأمرون بالمعروف وينهون عن المنكر

Mu’imintooni dhiiraa fi dubartootaa gariin jaalalloo gariiti wal ajajan gaariitti wal dhirgan hamtuurraa. Suuraa Towbaa: 71

وتعاونوا على البر والتقوى ولا تعاونوا على الإثم والعدوان واتقوا الله إن الله شديد العقاب

Wal gargaaraa waan gaarii fi soda Rabbii keeysatti, wal hin gargaarinaa cubbuu fi daangaa dabruurrratti Allaahaa sodaadhaa, Allaahaan jabaataa qixaaxaati (Adabaati).  Al-Maa’idaa: 2

Warra Amantii isaatiif adawwiitis akkana jedhaan Rabbiin akka isaan malutti ol tahe:

المنافقون والمنافقات بعضهم من بعض يأمرون بالمنكر وينهون عن المعروف

Munaafiqni dhiiraa fi dhalaa gariin gariif (jaalalleedha) ni ajajan waan hamtuutti (Ahbaash tahuutti, dirqamaan majlisa filatuutti), ni dhorgan waan gaariirraa (Islaama tahuurraa, hordoofurraa). Suuraa Towbaa: 67 m

إنهم لن يغنوا عنك من الله شيئا وإن الظالمين بعضهم أولياء بعض والله ولي المتقين

Isaan (Kaabineen, warri fedhii jala deemu) waan takka si hin duroomsan Allaaharraa, Zaalimtoonni gariin isaanii jaalallee gariiti. Allaahaan ammo jaalallee warra Isa sodaatuuti. Suraa Jaasiyaa: 19

 ياأيها الذين ءامنوا من يرتد منكم عن دينه فسوف يأتي الله بقوم يحبهم ويحبونه

Yaa warra amantan Namni Isiniirraa amanee If duuba deebi’ee (kaafaru) Allaahaan fiduuf taa’aa oroma Inni Jaalatu, kan Isaanis isa jaalatan. Suuraa maa’idaa: 55

Rabbiin Quraana Isaatii fi Hadiisa Rasuulaa S.A.W jala deemee warra milkaawu nu haa godhu.

Adawwiin Islaamaa hundi Dhabamaa haa taatu.

Warra haqaaf tumsuus nu haa godhu.

Injifannoon Tan Islaamaati!!!