Isintu beeka moo Allaah???

Isintu beeka moo Allaah???
By Abuu Muhammad

Rabbiin nu uume, waan hunda uume, Amantii hunda caalaa Islaamummaa nuuf file mee duuba Isaatu beeka moo jara amma amantii nuuf filu kanaatu irra beeka?

Rabbiin gaafii tana Quraan keeysatti akkana je’ee gaafata:

 أَأَنْتُمْ أَعْلَمُ أَمِ اللَّهُ

Isintu Beeka moo Allaah? Al-Baqaraah: 140

Deebisaa isaatis Rabbiin akka Isaan malutti ol tahe akkana jechuun deebisa:

وَاللَّهُ يَعْلَمُ وَأَنْتُمْ لا تَعْلَمُونَ} سورة البقرة: 216

Allaahaan ni Beeka Isin hin beytan. Al-Baqaraah: 216

Rabbiin ni beeka, Kaabineen, Kaadreen, Majlisni, Mootummaan, hundi ilma namaa amantii Islaamaa dhiisaa jedhe kanaatu caala yoo je’e, akki jennuun Allaan ni beeka hin beytan.

Maaliif yoo jettan Rabbiin Amantiin Rabbi biratti fudhatama qabdu Islaama qfa jedhee jira. Nutis erga dhalannee hanga arraa nagayaan amantii teenya barannee hordofaa jirra amma amantii duraan hordofaa turtan sun mootummaaf hin taatu, Kanaaf tan mootummaaf taatu fudhaa jechaa jiran.

Mee yaa ummata Islaamaa gaafi takka qofa isin gaafadha:

Osoo Ahbaasha waan jedhamu kana mootummaan hin fidin dura maal balleesine? Misooma didne moo? Amantii namaa tuyne moo? Mootummaa Islaamaa dhaabna jenne moo? Mee maal goone?

Ammas shororkaan amma mootummaan owwisaa jiru tun eeguma Isaan amantii teeysan dhiisaa je’an owwite. Kana namni hundi ni beeka.

Nuti Muslimoonni Amantii Rabbiin nuuf file qabnaa nu dhiisaa jennaan Mankaraaristii nuun jedhan.

Rabbi qofa gabbarraa nu dhiisaa jennaan shororkeeysitoota nuun jedhan.

Islaamaaf jecha nama arrabsuun amma hin eegalle, Rasuula s.a.w Rabbi qofa gabbaraa gaafa jedhu Maraataa, falfalaa, kijibaa, waan hedduu je’aniin. Kuni karuma Rabbiiti kijibaa fi haqni wal falamee warri haqaa akka mohatanii jannata argataniif Rabbiin keenya akkana godha. Munaafiqaa fi kaafiroonni Amanti Islaamaa Afaaniin Arrabsanii dhaamsuu fedhanis booddeen Isaanii adunyaa fi akhiiraattis khasaaraadha.

Mee Kaabineen makkaa (mushrikoonni) Rasuulaan akkam jedhaa turan:

 وقالوا يا أيها الذي نزل عليه الذكر إنك لمجنون"[الحجر:6

Yaa isa quraanni irratti buufame ati maraataadha jedhan. Al-Hijr: 6

Eega Rasuulaan s.a.w akkana jedhame anaa fi ati mankaraaristi nun jechuun salphaa tahuu beeki.  Amantii teenyas tanuma Rasuulaa s.a.w fi Sahaabaan isaa hordoofuu turte san, kanaaf nutis hanga qormaataan addaan baanu haalli kun itti fufa. San booda namni gosa 3 taha Islaama Rabbiif qulqullaawee fi Munaafiqa Islaama fakkaataa Islaama balleesu  fi kaafira Achi bahe.

Rasuula s.a.w yaadadhu!!!

Bilaal fi Ammaar yaadadhu!!!

Hadha Ammaar yaadadhu yaa Intala Islaamaa atis Rabbii qofa gabbaraa Ajjeefamte.

Sahaabaa Makkaa Ari’aman yaadadhaa!!! Biyya isaanii sababaa Islaama tahaniif ari’amanii keeysaa bahan.

(لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ)

Dhugumatti Rasuula Allaah Keeysatti Fakkeenya gaariitu isiniif tahe.

 Al-Ahzaab: 21

وَقَالَ الْكَافِرُونَ هَذَا سَاحِرٌ كَذَّابٌ

Kaafirtoonni Rasuulli kun nama falfalaati, Kijibaadha jedhan. Saad: 4

Duuba mankaraaristi yoo nun jedhan maaltu haarawa?

Wanni guddaan beekuu qabnu Amantii nuuf taatu Rabbiin waan beekuuf Islaama nuu filee jira. Mootummaan wallaalaa waan tahef Ahbaasha nuuf filee jira.

Tana booda filannoon tan abbaati Yoo Rabbiin beekaadha jedhe Rabbi jaa deema. Yoo mootummaatu Rabbirra beeka jedhes Ahbaasha taha.

أَأَنْتُمْ أَعْلَمُ أَمِ اللَّهُ

Isintu Beeka moo Allaah? Al-Baqaraah: 140

Deebisaa isaatis Rabbiin akka Isaan malutti ol tahe akkana jechuun deebisa:

وَاللَّهُ يَعْلَمُ وَأَنْتُمْ لا تَعْلَمُونَ} سورة البقرة: 216

Allaahaan ni Beeka Isin hin beytan. Al-Baqaraah: 216

((هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ))

Inni isa Erge Ergamaa Isaa Qajeelloodhaa fii Amantii dhugaatiin Akka Amantii hunda caaluuf osoo Mushrikoonni (Ahbaashoonni, Kaabinoonni) Jibbanis.  At-Towbaa: 33

Jibbitanu jaalattanuu Injifannoon tan ummata Islaamaati!!!

Allaahu Akbar!!!