Dhaamsa Gabaabaa Adawwii diin Islaam hundaaf???

Dhaamsa Gabaabaa Adawwii diin Islaam hundaaf???

Rabbiin keenya waan mana gammaachisuu fi nama gaddisisuu hunda isaatu namatti fida. Wanni akkas godhuuf nama isa faarfaatuu fi nama yeroo rakkoo kafaruu addaan baasa.

Ahbaash akka Amantiidhaatti biyya teenyaa fi biyya biroottis mirga waan fedhe amanu ni qaban. Ummanni Islaamaa Ahbaash nama tahuu Itiyoopiyaa keeysaa dhabama goona jedhanii lafaa hin kaane. Wanni falmataa jiran mirga waan feene amanuu qabnaa nu dhiisaa, amantii kana horofi kana dhiisi nun hin jedhinaa, maqaa nuti hin qabneen nu rakkisinaa jechaa jiran.

Ammoo Adawwiin Islaamaa akki jedhaa jiran Wahbiyaatu biyya balleesuuf deema, wahbiyaa Mankaraaristoota ni balleesina jedhanii Islaamuma nagayaan amatoota hedduuf jiraataa ture akka bineensa haarawaa godhanii karoorfatanii lafaa nutty ka’an. Alhamdulillaah Ummanni keenya kijibaa fi dhara addaan baree jira “akkuma duraan jirrutti nu dhiisaa” jechuudhaan waan haarawa wahbiyyaas tahuu Ahbaashis nurratti hin fi’inaa jechuun sagalee tokkoon dura dhaabbataa jiran.

Warren fatanaa Rabbii tana wallaalanii qabeenyaa fii aangoof jecha amantii Islaamaa balleesuuf yaadaa jirtan hin dadhabinaa hin milkoytan isiniin jenna.

Rabbiin ol tahe akkana jedha.

 يريدون ليطفئوا نور الله بأفواههم والله متم نوره ولو كره الكافرون

“Ifa Allaahaa dhaamsuu fedhan Afaan isaaniitiin (wahbiin mankaraaristii, ashabbaarii jedhanii) garuu Allaahaan ifaa Isaa (Islaama) guutaadha. Kaafiroonni osoo jibbanis.” Suuratu-saf: 8

Afaaniin Diina Islaamaa dhaamsina jettanii yaaddanis Rabbiin amata 1433 dura akka Islaamummaan afaaniin hin dhaamne dubbatee jira. Inumaa daran akka ifaan isaa ifaa deemu himee jira osoo kaafirri jibbees.

Kaabinee fi Majlisni Ahbaashaa Islaamummaa hin balleesan, hin danda’an. Garuu fatanaadha abbaan kaabinummaaf jecha amantii Rabbii laaquuf Mankaraaristii jedhaa afaaniin ifaa Rabbii dhaamsuu fedhu ifumaaf khasaaree dhabama.

Yaa warren kaleesa Islaamaa kana arra Islaama kale waliin jiraataniin Mankaraaristii jettan Rabbii sodaadhaa, Adaba godhaa, Islaamni numa hafa isinumaatu deema. Seenaa teysan adunyaatti balleesitanii akhiraattis Rabbii keeysan dura dhaabbachuuf deemtan.

Namni tokko kan waliin ganda tokkotti dhalanne, waliin madrasaa barannee, waliin masida tokkotti salaataa turre, sheekootii waliin kabajaa turre, ulamaa’oota keenya kan ijaatti laalluun arra sababaa aangoo argateef yoo Mankaraaristii ummata kanaan jedhe ulamaa’oota santu waan haarawa fide moo kaabinee kana????

Yaa Kaabinee ardaa fi aanaa osoo Islaamaan mankaraaristii jettanii, aangoorraa ar’amuun keeysan ni mala. Kaabinee meeqaatu ABO jedhee nama nagayaa meeqa hidhee, ajjeesee booda warra hidhe kanaa gadatti hidhama??? Mee yaadadhaa.

Mee yaa kaabinee gaafii takka naaf deebisaa: akka seera biyyatti kan waraqaa irra jiruu sanitti ani wahbiyaa isin jettan tana tahuu maaltu na dhorga? Yoon yakka hin hojjatin? Yoon seera kabajee? Maaltu wahbiyuma isin jettan san tahuu nama dhorga????

Rabbiin waan isin jaalateef Kaabinee waan isin godhe hin sahinaa. Maal akka daleydan isin laalaa jira.

Yaa ummata Islaama Rabbiin nu fattanaa jiraa obsaa, sodaa kaabineetiif waan amantan hin dhiisinaa, sodaa Mootumaatiif sheekkootii fi ulamaa’ii teenya dabarsitanii hin kenninaa.

Rabbiin akkana jedha warra nuti amanne jedhu hundaan Quraan isaa keeysatti:

الم، أحسب الناس أن يتركوا أن يقولوا آمنا وهم لا يفتنون، ولقد فتنا الذين من قبلهم فليعلمن الله الذين صدقوا وليعلمن الكاذبين

“Aliif Laam Miim. Sa Ilmi namaa akkanumatti lakkifamuu yaadaa Amanne jechuu qofaan kan hin mokkaramin (qormaatamin )?  Dhugumatti qormaannee  jira warra isaan dura, Allaahaan akka beekuuf warra dhugoomsee fi  warra kijibe.” Suuraa Ankabuut: 1-3.

Fatanaa tana warra dabru nu haa godhu. Aamiin

Ammas Kaabinee fi hunda nama faallaa amantii isaa dhaabbatuun akkana jedha Rabbii guddaan

أم حسب الذين يعملون السيئات أن يسبقونا ساء ما يحكمون

“Sa ni sehaae warri badii dalagan nu dura dabruu (azaaba keenya jalaa bahuu)? Way waa hammaattee wanni isaan murteysan.” Ankabuut: 4

Ahbaasha namni tahe hin jiraatin hin jenne. Kiristaanis hin jiraatin hin jenne. Waqeefataanis Itiyoopiyaa keeysaa dhabamuu qaba hin jenne.

Wanni jechaa jirru Amantii feene hordofnaa nu dhiisaa. Tokkoo fudhaa jettan nu hin rakkinaadha.

Rabbiin Adawwii diina Isaa hunda mallattoo irraa baratan haa godhu.

Adawwiin diina Islaama hundi dhabama haa taatu.

Injifannoon tan ummata Islaamaati!!!!!