Muslimoonni Mootummaaf Kardii if eeggannoo keennanii jiran.

Oduu Jum’aa

Muslimoonni Mootummaaf Kardii if eeggannoo keennanii jiran.

Guyyaa 5-10-2012/ 25-10-2005

Ummanni Islaamaa kan qabsoo karaa nagayaa yeroo dheertuuf ofaa jiran amma yeroon gahe akka waan jedhanii fakkaata. Ji’a 10ni Oliif karaa nagayaatiin gaafii seera qabeessa gaafatanii mootummaa irraa deebisaa kan dhaban ummani Islaamaa itiyoopiyaa amma obsa fixannee jechuun kardii if eeggannoo qabatanii akka biyyooleessatti sagalee isaanii dhageesisaa olanii jiran.

Salaata jum’aa booda Biyya guutuu keeysatti Ummanni Islaamaa haala adda tahen sagalee isaanii duraan caalaa cimsuudhaan mootummaan gurra qabaattu dhagayi, diddu ammo kaardii isa dhumaa diimaa sitti baasuun keenya dhalaawee jira jechuun sagalee dhageysisanii jiran.

Fulbana 27tti Filannoon godhamu seeraa ala jechuun ummanni Islaamaa akka itti hin hirmaanne waliif dhaamaa turun isaanii ni yaadatama. Oromiyaa keeysatti bakka hundatti ummanni kaardii filannoo fudhatan akkaan xiqqaa waan taheef Kaabineen Oromiyaa warri Goodinaa akka bobbahu ajaja dabarsanii jiran. Garuu Kaabinoonni akka irratti waliif galan zeeroo takkaa fii lama itti ida’uudhaan gabaasa bareechuu akka tahes oduun keeysaa bahe ni Ibsa.

Fakkeenyaaf yoo magaalaa takkatti ummanni 20 kaardii filannoo fudhatee zeeroo lama itti ida’uudhaan 2000 godhuu jechuudha. Kun hundi Mirga amantii tokkoo dhiibuuf maalif akka dalagamu waan nama hundaaf galuu dhabeedha.

Gama Oduu arraa yeroo dabarru Ummanni Islaamaa Finfinnee, Jimmaa, Walqixxee, Badallee, Dirree Dawaa, Shaashamnnee, Kamiisee, Dasee, Goodina harargee bahaa Kombolcha bakka dhaloota Ahmadin dabalatee bakka hedduutti Sagalee Isaa kaardii If eeggannoo (yellow card) qabachuudhaan Takbiiraa godhaa olee jira.

Dhaadannoon akka walii galatti dhagayamaa ture:

Filannoon fulbana 27 kan farra Islaamaati

Dirqamaan hin Filannu

Koreen teenya hidhaa baatu malee hin filannu

Filannoon keenya Masjida keenyatti

Mootummaan amantii keeysaa harkaa haa baasu

Ahbaashaa fi Majlisni bakka nurraa hin bu’u

Allaahu Akbar!!! Allaahu Akbar!!! Allaahu Akbar!!!

Jechuun sagalee isaanii dhageysiisanii jiran.

Namoonni qabsoo ummata islaamaa kana hordofaa turan kan amantii biraa hordofan seenaan Itiyoopiyaa waan hin beyne argaa jirti jedhanii jiran. Muslimoonni Karaa nagayaa qofaan qabsoo isaanii godhuu kanaan fakkeenya Ummata biyyatti guutuuf tahuu danada’anii jiran jechuudhaan dubbatanii jiran.

Garuu Mootummaan Ummata seenaa dalagaa jiru kanaan Mankaraaristii jedha Ajaa’iba!!!