KARAA QAJEELAA

KARAA QAJEELAA


qopheeysaan: Abuu Muhammad Al-Baddeeysii

Rabbiin ol tahe akkana jedha:

"و اعتصموا بحبل الله جميعا و لا تفرقوا "

{Haada Allaahaa qabadhaa cufa haala taataniin ammallee gargar hin bahinaa.}

Al-Imraan

Ammallee Rabbiin akkana jedha:

" و لا تكونوا من المشركين ، من الذين فرقوا دينهم و كانوا شيعا ، كل حزب بما لديهم فرحون" (سورة الروم)

Mushrikootarraa hin tahinaa. warra amantii isaanii gargar baasanirraa ammas warra tuuta tuuta tahe hin tahinaa, Ummanni hundi waan isii bira jiruun gammaddi. Ar-Ruum31-32

Ummanni islaamaa Qur’aanaa fi Hadiisaan buluun yeroo gammaddan garuu ummanni biroo waan birootu isan gammachisa, namnni hundi waan isa bira jiruun gammada. Rabbiin warra Islaamummaan waan hunda caalaa gammadu nu haa godhu.

Rasuulli S.A.W akki jedhan:

(sodaa Rabbii jabaa isiniif dhaama, tole jechuu isiniif dhaama osoo isinirratti duree taheellee gabrichi Habashaa.)

Ammallee Rasuulli S.A.W. ummanni isaa akka bakka 73tti qodamuuf teeysu, akka hundi isii ibidda seentu dubatee jira takka malee. Sunis Ahlus-Sunnaa wal jama’aadha.

Duuba wanni nama Muslimaa irraa eggamu akka Rabbii fi rasuulli Isaa S.A.W isaaf dhaamanitti karaa qajeelaa jannata nama geeysu qabachuudha, sunis karaa Ahlus-sunnaati.

Namni Islaamaa erga Islaamummaa Amantii tahuu filate, Nabi Muhammad ergamaa Isaa tahuu filatee, erga Allaahaan Rabbii isaa tahuu filatee, erga Qur’aanaa kitaaba Rabbii isaa jedhee fudhatee, erga Hadiiisa sahiiha itti dalaguun dirqamaa hubate, karaan lammaffaa isaa hin jiru, karaa tokko malee sunis karaa Quraanaa fi hadiisati, gargara hin bahuu gosaan, afaanin, lafaan, sababaan isaa haada Rabbii waliin qabatanii waan jiraniif, bakki itti deeman waan tokko taheef, kaayyoon isaanii tokko waan taheef, dusturri isaanii Qur’aanaa fi hadiisa waan taheef wal jala deeman, dureen gabricha habashaa tahus.

Gabricha habashaa fokkataa fi araba addaan hin baasu erga amanee isa birratti lamaanu obboleysa isaati, kaafira yoo tahees akkasuma.

Rabbiin warra karaa qajeelaa Quraanaa fi hadiisa qabatee itti milkaawu nu haa godhu.

Barruun kiyya kan jalaqabaa karaa qajeelaa kan jedhuun qopheeysee jira.

Itti fufa.

Dubbiin gaariin waan gabaabbatee nama qajeelche jedhan.

Namni ifii hamaa hin qabu harreellee afaan namaa qabu. Jedhan manguddoon teenya.